جني الزيتون فالبادية: كيفاش كنجنيو الزيتون وفوقاش كيكون الوقت المناسب
جني الزيتون فالبادية مع العائلة: فوقاش كيبدا الموسم، كيفاش كنجنيو الزيتون بيدينا، علاش خاص يتعصر بسرعة، ونصائح باش تختارو زيت الزيتون ديال العام.
اقرأ المقال
الزيوت
المعصرة بالجمل: كيفاش كيتصاوب زيت الزيتون البلدي فالشياظمة
فالشياظمة مازال كاينة المعصرة القديمة اللي كيدور فيها الجمل الحجرة باش يطحن الزيتون. فهاد الفيديو مشينا بالزيتون ديال العائلة من منطقة حد درا، وقارنا بين المعصرة بالجمل والمعصرة العصرية، والوالد هو اللي حكم.
المراحل فالمعصرة التقليدية
1. الجني والتنقية
الزيتون كيتجنى من الشجر، وكيتنقى من الوراق والعواد. كل ما تعصر الزيتون بكري من بعد الجني، كل ما الزيت جا أحسن.
2. الطحين بالحجرة
الجمل كيدور بالمهل وكيجر الحجرة الكبيرة اللي كتطحن الزيتون بالعظم ديالو حتى كيولي عجينة. الطحين البطيء ما كيسخنش العجينة بزاف.
3. العصر
العجينة كتتحط فالشوامي (القفف الدايرين) وكتتعصر باش يخرج الزيت مع الما ديال الزيتون.
4. التصفية
الزيت كيطلع فوق الما وكيتجمع، ومن بعد كيتخلى يرتاح باش ينزل الترسب.
المعصرة بالجمل ولا العصرية؟
المعصرة التقليدية عندها طعم ديال زمان وريحة قوية، والمعصرة العصرية كتعطي زيت نقي ومنظم فوقت أقل. شكون ربح فالمقارنة ديالنا؟ الوالد ذاق بجوج وحكم، والنتيجة كتشوفوها فالفيديو.
بغيتو تعرفو شنو معنى «بكر ممتاز» و«عصرة أولى على البارد»؟ قراو زيت الزيتون البكر الممتاز: كيفاش تختار زيت مزيان.
زيت الزيتون ديال شيظمية حرة
زيت الزيتون ديالنا من شجر العائلة، عصرة أولى على البارد، متوفر فـ 1 لتر و5 لتر مع الدفع عند الاستلام. وشوفو وصفات كنستعملوه فيها: كسكس بالتفاية والرفيسة.
تعليق واحد