طريقة تحضير البغرير فالدار: بغرير خفيف ومثقب، مع صوص الزبدة والعسل
طريقة تحضير البغرير فالدار خطوة بخطوة: المكونات، كيفاش يجي مثقب ورطب، الأخطاء اللي خاصكم تبعدو منها، وصوص الزبدة والعسل اللي كيكمل الفطور المغربي.
اقرأ المقال
وصفات
السفة المدفونة بالدجاج: الوصفة المغربية التقليدية
السفة المدفونة هي من أجمل الأطباق اللي كتشرف المائدة المغربية: شعيرية رقيقة مفورة، حلوة بالقرفة، والدجاج مدفون فالوسط. المزيج ديال الحلو والمالح كيعجب الصغار والكبار. هاهي الوصفة والفيديو اللي طيبناها فيه فوسط الطبيعة.
المكونات
- دجاجة مقطعة رباعي
- 2 ديال البصل محكوكين
- معلقة ديال السكنجبير، نص معلقة ديال الإبزار، شوية ديال الزعفران والملح
- عود ديال القرفة وشوية ديال المعدنوس والقزبر
- 3 معالق ديال زيت الزيتون ومعلقة ديال الزبدة
- 500 غرام ديال الشعيرية الرقيقة (شعرة السفة)
- القرفة المطحونة والسكر السنيدة للتزيين
- 200 غرام ديال اللوز مقلي ومهرمش
- معلقة ديال العسل للمرقة (اختياري)
طريقة التحضير
- فالطنجرة، حطو الدجاج مع البصل والتوابل والقرفة والمعدنوس والقزبر والزيت، وقلبوه شي دقايق.
- زيدو الما وخليوه يطيب حتى يطيب الدجاج وتولي المرقة معقودة. زيدو معلقة العسل فاللخر إلا بغيتو المرقة حلوة شوية.
- فالوقت اللي كيطيب الدجاج، دهنو الشعيرية بشوية ديال الزيت وفوروها فالكسكاس من 15 دقيقة.
- خرجوها، رشوها بشوية ديال الما المملح وفركوها، ورجعوها للبخار. عاودو هاد الخطوة 2 ولا 3 مرات حتى تولي رطبة.
- فالتفويرة اللخرانية خلطوها مع الزبدة.
- فالطبسي، حطو نص السفة، والدجاج منزوع العظم فالوسط مع شوية ديال المرقة، وغطيوه بالسفة اللي بقات فشكل قبة.
- زينوها بالقرفة والسكر السنيدة واللوز، وقدموها مع المرقة فالجنب.
نصائح من البادية
- السر ديال سفة رطبة هو التفوير أكثر من مرة، ماشي الما الكثير.
- ما كتبغيوش السكر؟ بدلوه بشوية ديال عسل الليمون المرشوش فوق السفة.
شوفو حتى
طاجين اللحم بالبرقوق مع السفة بالبخار والرفيسة بالدجاج البلدي.
تعليق واحد