الفطور المغربي التقليدي: شنو كيتحط فطبلة الفطور البلدي فالبادية
الفطور المغربي التقليدي كيف كنعيشوه فالبادية: الخبز البلدي، زيت الزيتون، العسل الحر، الأملو وأتاي. نصائح باش توجدو فطور بلدي فداركم، مع فيديو من عندنا.
اقرأ المقال
حكايات البادية
Bohemian Kitchen عندنا فالدار: تجربة الطبخ المغربي مع العائلة فأكادير (وكيفاش تحجزوها)
من أجمل اللحظات اللي عشناها فالقناة هي الزيارة ديال مينو وأمينة، اليوتيوبرز الكوريين ديال قناة Bohemian Kitchen. جاو عندنا فأكادير، لبسو اللبسة التقليدية، عجنو الخبز مع الوالدة، وذاقو الأكل الأمازيغي لأول مرة فحياتهم. الفيديو شافوه أكثر من 400 ألف شخص.
كيفاش دازت التجربة
- الاستقبال: أتاي بالنعناع والأملو والخبز البلدي، بحال أي ضيف كيدخل لدار مغربية.
- العجين: الوالدة علمات مينو كيفاش يعجن الخبز فالقصعة ديال الطين، وكان الضحك بزاف!
- الطاجين: وريناهم التوابل والخضر وكيفاش كيتركب الطاجين.
- المائدة: كسكس وأطباق أمازيغية، وجلسة عائلية فيها الدفا.
ورجعو عندنا من بعد باش يعيشو معانا عيد الأضحى، ومن بعد استضافونا حنا وجربنا الأكل الكوري فقلب المغرب. وففيديو آخر جبنا Bohemian Kitchen وMr Humble ومول الشفنجة لدارنا فالبادية.
دابا تقدرو تعيشوها حتى نتوما
من بعد هاد التجارب، بزاف ديال المشاهدين سولونا واش يقدرو يجيو عندنا. وها هي دابا تجربة رسمية على Airbnb: الخبز البلدي فالفران ديال الطين، الطاجين أو البسطيلة أو الكسكس، أتاي والأملو، والغدا مع العائلة.
- المدة: تقريبا 3 ساعات وربع (من 10:00 حتى 13:15)
- اللغات: الفرنسية والإنجليزية
- حتى 5 ديال الضيوف
- المكان: تادارت، أنزا، أكادير
التفاصيل والحجز: تجربة الطبخ المغربي مع العائلة فأكادير أو مباشرة على Airbnb. وإلا بغيتو تجربو الوصفات فالدار أولا، شوفو الوصفات ديالنا.