العسل الحر ديال شيظمية حرة: شهادة مول الشفنجة وآخر الفيديوهات من البادية
مول الشفنجة ذاق العسل الحر ديال شيظمية حرة وقال رأيو بصراحة. تعرفو على شهادتو، كيفاش تختارو العسل الحر وتستعملوه، وآخر الفيديوهات ديالنا من البادية.
اقرأ المقال
دليل العسل
زرنا خلايا النحل: كيفاش كيتصاوب العسل الحر وأسرار عسل الدغموس ديال آيت باعمران
بزاف ديال الناس كيسولونا: منين كيجي العسل ديالكم؟ فهاد الفيديو مشينا للضيعة اللي فيها النحل، وشرح لينا النحال كيفاش كيخدم النحل، كيفاش كيتجمع العسل، وعلاش عسل الدغموس ديال آيت باعمران معروف بالجودة. ومن بعد جلسنا مع العائلة على وجبة الكرعين بالحمص وكاس أتاي بوراق المورينغا.
النحل كيتبع النوار
النحال ما كيخليش الصنادق فبلاصة وحدة العام كامل. كيرحلهم من منطقة لمنطقة على حساب النوار اللي موجود: الربيع والأعشاب، الخروب، الزعتر فالجبل، والدغموس فالجنوب. هادشي علاش كل عسل عندو لونو وطعمو: النحل كياخد الرحيق من الزهر اللي حداه.
- عسل الربيع (الأعشاب): فالفيديو ورانا النحال شهدة ديال عسل الربيع، فيه النوار ديال الزيتون والأركان والأعشاب البرية. لونو فاتح وصافي. هو عسل الأعشاب الحر.
- عسل الخروب: الضيعة دايرة بيها شجرات الخروب، ومنها كيجي عسل الخروب الغامق.
- عسل الزعتر: كيقول النحال بلا هو الأغلى، حيت النحل خاصو يطلع للجبال فوقت محدد. شوفو عسل الزعتر الحر.
الشهدة والشمع
النحل كيبني الشهدة فالإطارات الخشبية ديال الصندوق، وكيعمرها بالعسل وكيسدها بالشمع ملي كيطيب. من بعد الجني، الشمع اللي كيتنقى كيتذوب وكيتصاوب منو الصفائح اللي كترجع للصندوق، والنحل كيبني فوقها من جديد.
عسل الدغموس ديال آيت باعمران
حسب النحال اللي هضرنا معاه، منطقة آيت باعمران (نواحي سيدي إفني) هي المعروفة بأحسن عسل دغموس. النحالة كيمشيو لتما بالصنادق فوقت النوار، والنتيجة كتكون قليلة فالكمية ولكن عالية فالجودة.
- الحرارة فالحلق: نبتة الدغموس فيها حليب حار، وهادشي كيبان فالطعم ديال العسل.
- التخزين: كيقول النحال بلا عسل الدغموس ديال آيت باعمران يقدر يبقى عندك سنين بلا ما يتخسر إلا تحفظ مزيان.
- الجمود: مع الوقت كيجمد وكيولي محبب بحال الصابون البلدي. بزاف ديال الناس كيظنو فيه السكر، ولكن الجمود ظاهرة طبيعية فالعسل. شرحنا هادشي فمقال كيفاش تعرف العسل الحر من المغشوش.
بغيتو تعرفو أكثر؟ قراو عسل الدغموس: شنو هو وعلاش طعمو حار؟ ولا شوفو عسل الدغموس الحر فالمتجر.
الغدا مع العائلة
من بعد الزيارة جلسنا على الكرعين بالحمص مطيوبين على الطريقة التقليدية، مع خبز الفران البلدي، وختمنا بكاس أتاي بوراق المورينغا والفاكية قبل غروب الشمس.
تعليق واحد