طاجين السفرجل باللحم والعسل: الطريقة الأصيلة

طاجين السفرجل هو من أرقى الأطباق المغربية اللي كتجمع بين الحلو والمالح. فالفيديو ديالنا طيبناه فوسط الطبيعة: اللحم والتوابل أولا، من بعد تحضير السفرجل وتعسيلو، وفاللخر تركيب الطاجين.

المكونات

• 1.2 كيلو ديال لحم الغنم أو العجل
• 3 حبات ديال السفرجل
• 2 ديال البصل محكوكين
• معلقة ديال السكنجبير، نص معلقة ديال الإبزار، شوية ديال الزعفران والملح
• عود ديال القرفة ومعلقة ديال القرفة المطحونة
• 3 معالق ديال زيت الزيتون ومعلقة ديال السمن أو الزبدة
• 2 معالق ديال العسل الحر
• شوية ديال المعدنوس والقزبر مربوطين
• اللوز المقلي أو الزنجلان للتزيين (اختياري)

طريقة التحضير

1. حطو اللحم مع البصل والتوابل وعود القرفة والمعدنوس والقزبر والزيت، وقلبوه شي دقايق.
2. زيدو الما وخليوه يطيب على نار هادية شي ساعة ونص حتى يولي رطب.
3. غسلو السفرجل مزيان، قطعوه فالطول وحيدو القلب ديالو. خليو القشرة باش ما يتهرسش.
4. طيبو السفرجل فشوية ديال المرقة أو الما حتى يولي رطب شوية.
5. زيدو العسل والقرفة المطحونة والسمن، وخليوه يتعسل على نار هادية حتى ياخد لون ذهبي.
6. ركبو الطاجين: اللحم والمرقة فالوسط، والسفرجل المعسل فوقو، وزينوه باللوز والزنجلان.

نصائح من البادية

• السفرجل كيسود بسرعة من بعد التقطيع: حطوه فالما مع شوية ديال الليمون حتى تطيبوه.
• العسل الخفيف بحال عسل الليمون كيبقى معاه طعم السفرجل باين.

شوفو حتى

طاجين اللحم بالبرقوق واللوز والطنجية المراكشية.

#الطاجين المغربي #المطبخ المغربي #طاجين السفرجل #وصفات بالعسل